Chehre pe mere zulf ko phailaao kisi din

Chehre pe mere zulf ko phailaao kisi din
Kyaa roz garajte ho baras jaao kisii din..

Raazon ki tarha utro mere dil mein kisi shab
Dastak pe mere haath ki khul jaao kisi din..

Pedon ki tarah husn ki baarish mein nahaa loon
Baadal ki tarha jhoom ke ghir aao kisi din..

Khushboo ki tarha guzro mere dil ki gali se
Phoolon ki tarha mujh pe bikhar jaao kisi din..

Phir haath ko Khairaat mile band-e-qabaa ki
Phir lutf-e-shab- a-vasl ko dohraao kisi din..